Billboard Country Albums chart-a lang rei ber record a siam tawh chu Taylor Swift-in a khum hnu ah Shania Twain-in lawmpuina a hlan nghal.
Kum 56 mi chuan, “History record te hi siam a, thaichhiat leh tur mai a ni a, thangtharate hnena inhlanchhawng zel tur a ni. Harsatna hrang hrang karah country singer la naupang tak takte an dingchhuak zel hi a lawm-awm lehzual. Taylor Swift, ka chhuang che a, ka lawmpui che a ni,” a ti.
Billboard Country Albums chart-ah Shania hian kar 97 chhungzet number one nihna a lo hauh tawh a, tunah hian Taylor Swift-i’n kar 98 a rawn nihpui ta chiah a ni.
Zaithiam pahnih te hi kawng engkimah an induhsak a, hmaichhanah mai ni lo- TV lamah te an sawichhuak thin. Taylor hi hranghlui zaithiam te chawimawi thiam taka sawi a ni thin a, Shania nen pawh hian country star an nihnaah an inkarah boruak chhia awm miah lovin, duhsakna duhawm an inhlan tawn thin.
Mipa lamah chuan Garth Brook-a’n kar 169 record a siam tawh a, hei erawh thaichhiat a harsa hle turah an ngai.