france rama grape huan an inlei \awm chu a hriatpui lova hralhah puhin Brad Pitt-a’n a nupui hlui Angelina Jolie lakah thubuai a siam ta.
Chateau Miraval hmuna grape huan hi 2008 khan an nupa hian an lei a, a hnu kum 6-naah he lai hmunah vek hian an innei nghe nghe.
Pitt chuan a nupui hlui nen hian inremsiamna neiin, tu emaw zawk zawk remtihna tel lo chuan tihral theih a ni lovang, an ti a ni.
Mahse, Jolie hian a share neih te chu Russian mi hausa Oligarch hnenah a hralh niin, thubuai siamah hian tarlan a ni a, chanchin butasaih lai hian Jolie thu leh hla hriat a la ni lo thung.
France thlang lama awm grape huan leh In hi Pitt-a kutah awmin, ani hian khawvelpum huap anga hralh chhuahna lamah $Maktaduai tam tak hlawkna tel thei khawpin a buapui niin, a lawyer chuan a sawi.
Kartawp lam khan thubuai hi Los Angeles-ah kalpui niin, rose wine siamnaa khawvel huap ang pawha lang tham hmuna thil thleng chungchangah Pitt a lawm lo hle a ni.
Pitt leh Jolie te hi kum sawm velzet an inzui hnu ah 2014 khan innei in, 2016 ah an inthen.
Ahun laia Hollywood nupa lar ber ni hiala sawi thin te hi an inthen meuh chuan an inhmu tui lo zui hle a, fate enkawl thu hlaah pawh an buai.