Naupang kum 12 leh 18 inkarten COVID-19 an kai lohna tura invenna damdawi an lak tur thar India-in a pawm leh ta a. Biological E Ltd-in an siam, Corbevax chu emergency-a hman turin damdawi lama India-a thuneitute chuan an pawm veleh ta tih a siamtute chuan Thawhtanni khan thuchhuah siamin an tar lang.
India hian tunah hian Bharat Biotech-in an siam, Covaxin chu kum 15 leh 18 inkarte lak tura pawm tawhin January 3 atang khan a pe tan.
Dr NK Arora, Chairman, India-a Covid-19 Working Group of National Technical Advisory Group on Immunisation (NTAGI) chuan a hma khan Corbevax hi a him a, vaccine hman leh pawm tawhte ai mahin mihringa hri do theihna awm a tithain antibody level pawh a tisang thei zawk niin a lo sawi tawh a ni.