ZPM Working President K Sapdanga chuan an sorkar hunah an flagship tur chu ‘Mau’ ni loin ‘Mipui’ an nih dawn tih a sawi.
Nimina ZPM party office-a chhung inkhawm neihah working president chuan central-a sum dil chhuak tam thiam an ngaihsan loh thu leh ram chhung atanga thawk chhuak tam thiam nih an tum dawn tih sawiin, “Kan sorkar huna kan flagship tur chu mau ni loin, mipui an ni dawn,” a ti.
K Sapdanga hian SEDP paih a, GSDP erawh tihpun a nih tur thu a sawi a. Kum 2023 atang chuan tui, a hnar fim ngei mipuite an tlantir dawn tih a sawi.
Rorel laite thupui ber chu ZPM party leader tihbuai leh a laka harsatna siam niin, thu sawiin ZPM Working President hian, “Dan phuahchawp hmangin an paih a, dan dik taka lak luh leh a ni a. Tihngaihna dang an hre lo a, a thusawi laiin a mic an off-tir vel ta mai mai a ni,” a ti.
“Hnam Run behchhan sorkarah hian speaker chu cheng nuai 100 thamna laa puh a ni a, chhuah lama in lian ber leh tlak lama in lian ber neih tuma puh a ni hi a zahthlak hle,” a ti.
/////////////////////////////////////////
Agriculture department-in dan lova fertilizer tawlh a hriatpui lo
Agriculture Minister C Lalrinsanga’n dan lova fertilizer tawlh chungchang chu department-in official taka an hriat loh thu house a hrilh.
Nimina assembly session neihah MNF member Lawmawma Tochhawng zawhna kal zelah ZPM Legislature Party Leader Lalduhoma’n Congress sorkar hun lai atang tawha fertilizer smuggling kalpui chu tihtawp tum a nih leh nih loh chungchang hi agiculture minister a zawt.
Zawhna chhangin C Lalrinsanga chuan fertilizer license neitu dealer-ten fertilizer urea an hralh chhuah dan chu district fertilizer inspector-ten uluk taka an endik thu sawiin, inspection report-a a lan dan chuan fertilizer chu lo neitute hnenah pek chhuah thin a ni tih a sawi.
Myanmar lama dan loa tawlh ruk chungchang erawh official report dawn a awm loh thu a sawi agriculture minister chuan a sawi a, dan lova fertilizer tawlh ruk chungchang chu lo en zui an tum thu sawiin, “A tul angin action lak ngaihnaah pawh action kan lo la zui ang,” a ti.
Agriculture minister chuan Lunglei khawpui ei bel ber, Zawlpui zau, Tuipawl zau, Putlungasih leh Tuisen chhuah, Boliaveng ram rai tha chu department-in a ngaih pawimawh thu a sawi a, heng ramte hi tihhmasawn tumin central scheme hrang hrang department-in a kalpuite leh SEDP hnuaiahte hmalak mek a nih thu a sawi.
Land development an kalpui mekah, Zawlpui zaua leilet ram hectare 5 chu thar chhuah tipung tura tihzauh belh a nih thu a sawi rualin, leilet hmun hma tihzauh belh hna chu district dangah pawh NABARD-RIDF hnuaiah kalpui mek a nih thu a sawi bawk.