Tottenham Hotspur in season tawpah a sang pali zinga tel ngei an inbeiseina chu an tinung a, Everton tan tlak lam boruak tilian zual bawkin Thawh\anni zanah 5-0 in an mikhualte an sawp.
Tottenham Hotspur Stadium-ah Frank Lampard-a leh a pawlten zan duhawm lo tak an hmang a. Anmahni thlengtu team lakah talbuai nasa hle in Spurs laka an inkhelhdan thlirin Premier League-ah inhamtang turin an hmabak a ko.
Everton defender Michael Keane chuan minute 14-naah an lamah a ti lut palh a. Minute thum hnuah an goalkeeper Jordan Pickford chesual ve thungin Son Heung-min-a’n an goal hnihna a khung.
Matt Doherty chuan Harry Kane goal khung tur a siamsak ve leh bawk a. Second half \an hnu lawkah substitute Sergio Reguilon chuan Dejan Kulusevski ball siamsak a khung leh a. Doherty bawkin Kane-a gopal khung tur minute 55-naah a siamsak leh bawk.
England striker hian goal hnih a khung avang hian Premier League-ah goal 176 a khung tling tawh a. Arsenal striker Thierry Henry lehpelin Premier League chanchin a goal khung tam ber parukna a ni.
Spurs manager Antonio Conte chuan, “A sang pali zinga tel tuma intlansiak a tel ngei hi kan duh a, kan team hi thlir ila kawng hrang hrangah hma kan sawn tih a hmuh theih.”
“Kan dinhmun awmna tur hi kan kutah a innghat a, Champions League khelpha tur hian kan beih a ngai. A awlsam dawn lova, mahse kan tum a ngai a. Hlawhtling turin theihna kan nei bawk.”tiin a sawi a.
“Helaia hna ka thawh tirhin a theih ang em ka hre lova, mahse tuna kan dinhmun en hian ka beisei a sang telh telh.” a ti bawk.