Miss Chapchar Kut 2022 top 5 in elna chuan a vawrtawp a thleng ta a. March 7, 2022 khan final round neih ani a, Rajya Sabha MP Pu K Vanlalvenan khuallian niin a hmanpui.
He hunah hian MP K Vanlalvena chuan Miss Chapchar Kut top 5 te chu Mizo nula hmelțha leh nalh thlan-chhuah an nih tawh avangin, an nungchang uluk a fimkhur hle turin a chah a, Miss an nih hmâ a an awmdan anga an awm a rem tawh lo a, kawng engkimah mite en thlak an nih tawh dawn avang-in thalaite entawn ni thei turin Zonun zemawi rinawmna vawng nung rengtu ni turin a chah bawk
Miss Chapchar Kut 2022 hian kum dang ang bawkin lawmman pawisa fai Rs 50,000/- leh thil dang țha-hnem tak a dawng ang. Tin, top 5 te hian pawisa fai Rs 10,000/- theuh bakah thil dang țha tak2 an dawng ang.
Miss Chapchar Kut 2022 hi March 18 -ah result puan leh lawmman sem a ni ang. Final round-a lut te:
1.Vanlalnunpuii
D/o R Lalremruata
ITI Veng, Aizawl
2.H Vanlalduhsaki
D/o H Lalremliana
Mission veng, Aizawl
- Abigail Lalngaihawmi
D/o Gabriel Lalremruata
Tuithiang veng , Aizawl - Lallawmkimi
D/ Zochhuanmawia
Hlimen veng, Aizawl - K Hmingthanzuali
D/o K Lallura, Tanhril, Aizawl