- Robert Zoliana
Thlan tangkaina hi zir a ni hle tawh a, hmuhchhuah belh zel a ni. Siamtu in mak taka a duan kan lo ni na meuh e.
Taksa vawng daitu a ni: Khawlum vanga taksa sa lutuk tur a vawng dai. Thlan nei ta lo ila kan taksa Temperature hi kan tlin tawk aiin a sa fo dawn alo ni.
Thlan hi Antibiotic a ni: University of Michigan, researcher Laure Rittie chuan kan taksa a thlan siamtu (sweat glands) hian hliam tidam turin nasa takin a pui thin tih a zir bingna atangin a hrechhuak. Intih pem, thak vanga hiah pilh, thosi leh nungcha seh te hi a pun zel loh nan thlan a hmet mit thin.
Tûr paihchhuahna: Kan taksa a tur awm, meizial, zu, ruihhlo dang dangten a siam chu thlan hmang hian paih-chhuah theih a ni. Hei mai bakah hian chi ak ei tam lutuk te, thau chhia te te pawh a paihchhuak thin. Ruihlo nghei duh enkawl nan thlan tih chhuah a pawimawh hle.
Kal (Kidney) a lungte awm tur a veng: 2013 American Urological Association conference, San Diego, a neih tumah mithiam rual in kal hnathawh leh kal natna chungchang an chai ho a. Kal tana tha lo suam tu thlan hmang a paihchhuah a nih dan uar takin an sawi. Thlan nei lo ta ila lungte kan pai deuh vek hial dawn alo ni.
Hritlang leh natna dang laka min venghim tu: Thlanah hian natna hrik thenkhat (viruses, bacteria, leh fungi) te lo dolet a, that thei a awm a, chu chuan hritlang (viral) tam tak leh rannung seh atanga kai theih chi te, boruaka leng chi natna te laka min lo venghim thin tih “Proceedings of the National Academy of Sciences” Journal ah chhuah a ni.
Thlan chhuak thinte an hlim zawk: Kum 2009 a zirbingna atanga an zirchhuah “Biology Letters” Journal a tihchhuah chuan thlan chhuak khawpa infiam, exercise, hnathawk te hi an rilru a hlim zawk tih an chhuah a. A chhan chu thlan bawm (sweat gland) hian thluak nen an thawh dun tlat vang a ni. Hei avang hian rilru na benvawn (Depression) laka invenna tha tak chu thlan chhuak khawpa chet hi alo ni reng mai.
.
Thlan chhuak khawpa che thinte hi an chhel: Tuarfei chu na chung pawha tuar thei an ni a, mahse heta ka sawi hi chu natna nei har tih lam a ni. Thlan hian natna thenkhat a hneh avangin leh rilru natna avanga kan tawrh tamtak a pumpelh avangin regular laka thlantui senga che thin te taksa chuan natna a lalut tlem bik tihna a ni. Kan sil pui der khawpa na hi boxer te chuan engahmah ngai lovin an thle bak bak duh lek a nih hi….
Thlan hi hridanna (Vaccine) a ni: Natna hrik thenkhat hmun lum (taksa lumna pangai 98.6 F) ngam lo te chuan natna min thlen ngai lo. A chhan chu thlan bawm (sweat glands) hian alo tihlum emaw tichauh thin vang a ni. Hei bakah natna hrik tam tak vun kaltlanga kanntaksa chhunga lut tur te chu alo tlengfaiin alo tihlum thin. Kan hriatpui lovin alo bitum hmiah hmiah zel.
.
Kan kum zirin kan inthlak thin Rawlthar tilpawr aw te, tleirawl thineih te, thi hul te, vun alo zur hun te, kan paltlang a. Hetianga hun inthlakah hian thlan bawm hian awmzia thui tak a neih avangin thlan tla khawpa chet hian pawimawhna a nei thui hle.
.
A dang tam tak ala awm. Thlan hi Tuifinriat alna nen intluk tawk niin an sawi bawk thin. Pathianin khawvel leh mihring a siam dan hi alo mak lehzel. Thlan aia al lovin tui chial siam la, chini pawlh thlum dem la, a ti einuamah duh leh sertui sawr la, chu chu ORT anti a, kawthalo leh thildang vanga taksa in tui a tlakchham (dehydration) enkawl nan a tha em em.