Kum tam vak lo liam ta atang khan ramchhunga compact SUV segment bikah lirthei lei leh hralh a pung chhak a, mak tak maiin a pumpui anga lirthei hralhchhuahah pawh compact SUV te hian an thawhhlawk hle bawk. February 2022 a India rama SUV hralh theih ber pathum tarlang ila:
Tata Nexon
Thla tam pawh a liam hman meuh lo. Nexon compact SUV hralh a nuam ham ham hle a, February 2022 chhung khan Tata Nexo hi 12,259 hralh chhuah niin, February 2021 a 7,929 nena khaikhinin hmasawnna lian tak a hmuh theih a, a punna 55% a tling pha hial. Chu mai a la ni lo, Nexon hi Indian automaker zinga model hralh theih ber a ni mek bawk. Kawng lehlamah chuan, electric version (Nexon) pawh hian ramchhungah a ngampa par par hle a ni.
Mahindra Bolero
Hemi huang bika pahnihna ni turin Mahindra Bolero a dingchhuak a, old-school SUV an tih mai hian a elpui thar tak takte hmâah kun a tum meuh lo. Thla hmasa khan 11,045 hralh a ni a, nikum hemi thla vek khan 4,843 hralh niin, a punna 128% a tling pha a ni. Mak tak maiin, February 2022 ah Bolero hi company-in model hralh kal bera a lo puan ve tho kha a ni tlat mai. July 2021 khan Mahindra chuan Bolero Neo thar a hmelhriattir a, hemi huang bika ngaihven hlawh tak a ni chho nghal bawk.
Hyundai Venue
Hyundai Venue hi February 2022 khan hralhchhuah tlakhniamna 9% ni mah se, pathumnaah a inhlangkai tho. Thla hmasa khan 10,212 hralh niin, nikum february thaa hralh chhuah erawh 11,224 a ni. A pumpui anga model hralh chhuah ah Venue hi ramchhungah pakuana a ni pha.