Rimawi khawvela ngaihzawnrawn Dolly Parton chuan kumina Rock &Roll Hall of Fame thlan-chhuah tur list atangin a inhnukdawk.
Thuchhuah a siamah country star hian chawi-mawina duhawm tak dawng tlâka ngaia a hming chhawp-chhuah a ni chu a lawm em em rualin, a huang ni rih lova inhriatna nasa tak vangin tel chhunzawm loh mai a tithlu a ni.
“Keimah vanga vote a darh huk ka duh lo takzet a, chuvang chuan zahawm tak chung siin, ka inhnukdawk ta mai a ni,” a ti.
Parton hi kumina country star chhawpchhuah awmchhun a ni a; a elpuite zingah Eminem leh midang te an tel. Rock & Roll Hall of Fame buatsaihtute’n dawng tlâk tak taka an ngaih chuan an la ngaihtuahsak ngei a beisei thu erawh a sawi thung a ni.
Tuna tehfung hman tharah chuan rock huang bik kher en a ni tawh lova, tunhma ang lo takin Rap/hip hop te pawh seng lut tawhin, rocker kher lo te tan paw’n beisei a sâng chho mek. Kum 25 hma lama commercial album hlawhtling tak an tihchhuah chuan a tâwk mai. A bak tehfung a awm hran lo.
Ngaihhlut hlawh tak, Rock & Roll Hall of Fame 2022 a lut tur te hi May thla khian puanzar a ni ang a, kumtawp lamah lakluh inkhawm an nei zui ang.