A ke ruh a tliah avangin thla sarih a chawlh hnuah Leicester City defender Wesley Fofana chu khelmuala a kir leh dan a ropui hle a. Goal khungin a goal avangin Premier League team hi Europa Conference League quarter-final an tling.
Leicester City hian French club Rennes an hmachhawn a. 2-1 in tlawm mahse goal an khung avangin 3-2 aggregate in hnehna an chang zawk.
King Power Stadium a 2-0 a chak tawh Foxes hian Roazhon Park-ah minute 8-naah goal an chhuah a. Martin Terrier-a cross chu Benjamin Bourigeaud chuan goal-ah a khung.
August thla a Villarreal nen an inkhelh \uma ke ti tliak kum 21 mi Fofana chuan a vawikhatna atana inkhelin minute 51-naah Ademola Lookman corner vawrh luh chu a tauh lut a. Lawm avangin a manager Brendan Rodgers nen an inpawm a, a teammate te zawng zawngin lawmin an bawr.
Goal khat a la luh belh leh hman thova, minute 75-naah substitute Flavien Tait chuan Rennes goal hnihna a khung a, extra-time hruai thleng tura goal dang erawh an khung belh thei lo.
Inkhel zawhah Rodgers chuan, “Wesley hi player danglam a ni a, player \ha bikte chauhin an ngam angin training pangngai kan hnena a zawmna pawh a la rei lo, mahse inkhel a hmachhawn nghal ngam a, hmahruaitu zingah a tel. Heng rilru pute hi kan team-ah hian kan mamawh a ni.” tiin a player a fak.
Ningani zan inkhel dangah AS Roma in 1-1 in Vitesse an draw a, 2-1 aggregate in quarter-final an lut ve bawk.
Jose Mourinho pawlte hian Stadio Olimpico-ah si an phur hmasa a, Maximilian Wittek chuan Vitesse tan goal khungin huntawp dawnah striker Tammy Abraham chuan an tlang na tur goal a khung.
Inkhel zawhah Mourinho chuan, “He team hian famkim lohna hrang hrang a nei a, mahse thla engemaw zat kalta a kan \ang thei tawk lo tia min sawisel laiin tunah a tawp thlenga kan \an theihna hi an fak leh tawh zawk.” tiin a sawi.