Aston Martin car khalhtu Sebastian Vettel chu tun kartawp a Saudi Arabia Grand Prix-ah a tel thei tawh ang em tih a la chiang lova. Covid 19 avanga team a zawm loh hnuah tunkarah negative test result a la nei thei lo.
German driver, world champion vawi li ni tawh hian kar hmasa khan Covid 19 a kai avangin Bahrain Grand Prix-ah intlansiak a hmachhawn lo tawh a. Aston Martin chuan Saudi Arabia a la pan ve lo tih an sawi chiang.
Hei vang hian kar hmasa a Sakhir a intlansiak a a aiawhtu Nico Hulkenberg chu Jeddah-ah Aston Martin hian an hruai a. Vettel-a dinhmun ngaichang chungin a \ul huna ko luh turin a awm mek.
Hulkenberg hian season hawnna intlansiakah hian Aston Martin tan 17-na a hauh.
Aston Martin hian kum 34 mi Vettel hi Zirtawpni thleng an ngaihchan tur thu an sawi.