India ramah darkar 24 liam ta chhung khan coronavirus kai mi 1,685 hmuh chhuah leh hman a ni.
Hri kai hmuh chhuah tharte nen hian India-a COVID-19 kai hmuh tawh chu mi 4,30,16,372 an ni ta a. Hetih lai hian enkawl mek zat chu a hniam zawnga kal zel rihin mi 21,530 an la awm tih union health ministry-in a chhinchhiahnaah tar lan a ni.
Darkar 24 liam ta chhungin mi 83-in thihpui leh hmanin mi 5,16,755-in an thihpui tawh tih ministry chuan a tar lang bawk.
Hri kai hmuh chhuah tawh zawng zawng a\anga chhutin 0.05% an la awm a, enkawl dam tawh hi 98.75% an tling tawh thung.
Darkar 24 liam ta chhung pawhin hri kai hmuh aiin enkawl dam an tam zawk avangin mi 897-in enkawl lai an tlahniam leh hman.
Darkar 24 liam ta chhung hian sample endik zinga 0.24% chuan hri an kai tih hmuh a ni a, chawlhkar khat liam ta chhunga endik zinga 0.33%-in an kai bawk.
Darkar 24 liam ta chhungin sample 6,91,425 endik a ni a. Hripui a len hnuah sample vaibelchhe 78.56 chuang endik a ni tawh.
Hri kai hmuh chhuah zinga enkawl dam tawh zawng zawng hi mi 4,24,78,087 an tling tawh a, thihpui hi 1.20% an ni bawk.
Nikum kum tir a\anga Covid-19 laka invenna pek beihpui thlak kal mek zelah India-ah hian vaccine dose vaibelchhe 182.55 chuang pek a ni tawh bawk.
Darkar 24 liam taa hripui thihpui mi 83 zinga mi 74 zet chu Kerala-a mite an ni.
Mi 5,16,755 thihpui awm tawh zinga a tel ber, mio 1,43,772 chu Maharashtra-a mite niin Kerala-ah mi 67,550, Karnataka-ah mi 40,044, Tamil Nadu-ah mi 38,025, Delhi-ah mi 26,149, Uttar Pradesh-ah mi 23,492 leh West Bengal-ah mi 21,197-ten an thihpui tawh.
Health ministry chuan hri leng thihpui zinga a tam ber, 70% chuang chu natna benvawn dang lo nei sa an nih thu a sawi.