Aizawl: Sorkar laipuia Road Transport & Highways Minister Nitin Gadkari chu Mizoram MP (LS) C Lalrosanga chuan nimin khan kawmin, hna kal mek bakah Central Infrastructure Road Fund hmanga Mizorama hnathawh tur rawtte pawmpui thuai turin a ngen.
MP (LS) C Lalrosanga hian Union Minister Gadkari chu Parliament House office-a a kawm a. He hunah hian Mizorama kawngpui sial leh siam that chungchangte a sawipui a. CIRF hnuaia Sihhmui-Ramrikawn kawng cheng vaibelchhe 99 vel senga thawm thatna tur project pawh pawmpui turin a ngen a ni.
Chief Minister Zoramthanga hmalakna anga Durtlang Leitan-Sihphir kawng tihzauh leh siam thatna tur project. km 10 vela thui, Rs. vaibelchhe 46.57 CIRF Fund hnuaia ruahman pawmpuina Ministry of Road Transport and Highways-in nimina a pechhuak ta chu lawmawm a tih thu a sawi bawk.
An inkawmnaah hian Minister of State for Road Transport & Highways Gen V K Singh pawh a tel a ni.