Mizoram a tualchhung cricket inelna a First Division inelna Mahuma Memorial 1st Division Screening Tournament final-ah Ramhlun Venglai CC chuan wicket 6 in Chhinga Veng Cricket Club an hneh.
RVL tan hnehna chan nan Joseph Lalthankhuma leh Reuben Lalhruaizela te ‘partnership’ a pawimawh a, an pahnih inkawp hian a tawp thleng ding tluanin over 29.5-ah run 160 an team in an siam a, an target an umpha.
An inkhel e
Suaka Cricket Ground a Ningani a final-ah tun season President’s Cup final a champion inchuhte bawk an intawng leh a. Hemi \um hian Ramhlun Venglai in hnehna an lo chang tawh. Inkhel hi over 50 a khelh a ni a, RVL lamin vawm hmasak an thlang.
Chhinga Veng tan opener Lalthlamuana chuan run 31 a siam a, K. Vanlalruata(17) nen wicket hnihnaah run 35 siamin an ding nghet hman dawn a, mahse RVL in inkhel thui taka thlak danglam turin wicket pawimawh an la.
Over 12-naah chiah Joseph Lalthankhuma’n Lalthlamuana wicket a lak hnuah Remruatdika’n Ruata leh Mustafa Alom Laskar te wicket chu over khatah la in Chhinga Veng middle order an \hiat a. Innings tawp lamah William Rinawma Pachuau in run 20 siamin over 39.1-ah run 156 an siam.
RVL tan chak turin 157 an siam tlin ngei ngei a ngai a, huphurhawm ni lo mahse chesual thei an ni. Chhinga Veng captain Lalnuntluanga’n over 6-naah C. Vanlalhruaia leh Lalhmachhuana te wicket a la a, beisei nei takin bul an \an.
Mahse Joseph Lalthankhuma leh Reuben Lalhruaizela te partnership an tihtawp theih loh a tawpah an tuar a, an pahnih inkawp hian ball 88 a\ang run 95 thawh belhin an team an chakpui.
Lawmman lam
Final-ah wicket hnih la a run 54 siam bawk Joseph Lalthankhuma chu man of the match a thlan a ni a. Ani hian tournament chhung zawngin run 255 siamin Best batsman lawmman a la a, Man of the Series a ni bawk.
Chanmarians CC captain Bobby Zothansanga chuan wicket 14 la in Best Bowler chawimawina a dawng.
Champion team hian Rs. 50,000 an hawn a, Runner up in Rs. 30,000 an hawn thung.
Inkhelh apiangin team ten match fee an dawng a, a chakin Rs. 30,000 dawngin a chak lo lamin Rs. 15,000 an dawng. Tie-ah match fee insem a ni thung. Champion team hian a vaiin Rs. 2,67,500 an hawn ang.
Mahuma Memorial 1st Division Screening
Tournament 2021-22
Final
Chhinga Veng CC vs Ramhlun Venglai CC
Suaka Cricket Ground, Sihhmui, Aizawl, 50 Ov., Limited Overs, 31-Mar-22
Toss: Ramhlun Venglai Cricket Club in vawm an thlang
Chhinga Veng Cricket Club 156/10 (39.1 Ov)
Lalthlamuana 31(30)
William Rinawma Pachuau 20*(34)
Vanlalruata Khawlhring 17(21)
B Laltlanmawia 3/36(8)
Remruatdika Ralte 2/27(9)
Lalrinfela Zadeng 2/31(7)
Joseph Lalthankhuma 2/38(8.1)
Ramhlun Venglai Cricket Club 160/4 (29.5 Ov)
Joseph Lalthankhuma 54(77) Reuben Lalhruaizela 51(42)
C. Vanlalhruaia 18(17)
Lalnuntluanga 3/40(6)
Vanlalruata Khawlhring 1/40(8)
Ramhlun Venglai Cricket Club wicket 6 in an chak
Man of the match : Joseph Lalthankhuma (Ramhlun Venglai Cricket Club)
Mimal chawimawina :
Best Batsman : Joseph Lalthankhuma (Ramhlun Venglai CC)
Best Bowler : Bobby Zothansanga (Chanmarians CC)
Man of the Series : Joseph Lalthankhuma (Ramhlun Venglai CC)
Club te match fee dawn dan :
Champion : Ramhlun Venglai CC – Rs. 2,17,500 + Rs. 50,000
Runner up : Chhinga Veng CC – Rs. 1,95,000 + Rs. 30,000
Kulikawn CC : Rs. 1,80,000
Chanmarians CC : Rs. 1,80,000
Zarkawt Lords CC : Rs. 1,50,000
Gorkha CC : Rs. 1,42,500
Hunthar CC : Rs. 1,35,000
Legends CC : Rs. 1,05,000