GIG Motors 20th MFA Cup semi-final khel tur team pathum an hriat tawh a. Hmun hnuhnung ber tukin zingah an inchuh ang.
Keifang Centenary Football Field, Saitual District a nghah Mizoram Football Association hnuaia district hrang hrang aiawhte cup inelnaah hian Group A a\angin Kanan FC an tling a. Group B a\ang FC Vengthlang North tlingin Group D a\ang Chanmari FC an tling tawh.
Lunglei aiawh Chanmari FC in 3-2 in Khawzawl FC an hneh a, an vawi hnih chakna niin point 6 an hmu. Group B-ah pawh Champhai aiawh FC Vengthlang North in 3-0 in Lawngtlai FC an hneh a, anni pawhin point 6 an hmu.
Group A-ah a chak zawk zawk tling tur inkhelah Aizawl aiawh Kanan FC chuan 4-3 in Kolasib aiawh Saidan GSA an hneh ve bawk a. Point li hmu in an tling.
Vawiinah Hnahthial district aiawh Electric FC leh Siaha FC ten league match hnuhnung ber an khel anga, semi-final luh an inchuh ang.
March ni 30, 2022 Ningani inkhel result
9:00AM Siaha FC, Siaha 1-1 FC Serchhip Kawnpui, Serchhip
(HC Lalrinliana 34′) (Malsawmtluanga Tochhawng 48′)
11:00AM Kanan FC, Aizawl 4-3 Saidan GSA, Kolasib
(Lalbiaknia Royte 15′, Vanlalthanga 17′, Malsawmdawnga 70′, Lalremruata 76′) (Augustine Lalrochana 45′, J.Lalduhawma 54′, Lalropeka 90+2′)
1:00PM Lawngtlai FC, Lawngtlai 0-3 FC Vengthlang North,Champhai
(C. Lalremruata 27′, F.Lallawmkima 67′, Lalsawmzela 90+2′)
3:00PM Chanmari FC, Lunglei 3-2 Khawzawl FC, Khawzawl
(Lalpekhlua Jongte 26′, 72′, Samuel Lalrawnchhana 49′) (Vanlalremsanga 31′, Lallawmzuala 34′)