Aizawl : BJP Mizoram state president Vanlalhmuaka’n BJP dinchampha lawmna kal mekin tun thla ni 20 thleng a awh tur thu leh hemi chhung hian PM scheme hrang hrang mipui tana siamte a dawng tur ten an dawn theihna tura hma an lak tur thu a sawi.
Vanlalhmuaka chuan BJP din champha an lawm chhung hian PM scheme te mipui hriattirin, hemi hun chhunga mipuiin PM scheme an dawn theihna tura nasa taka hma an lak tur thu a sawi a. An party din champha an lawm chhungin a tam thei ang ber midang tana luanchhuah an tum thu a sawi bawk.
Party thenkhatin an sorkar theihna tura mi- puia an zawrh chu an party president te a nih thu sawiin, Vanlalhmu- aka chuan “Ram mipui min bawlkual vel dan hi a pawi hle” a ti a. “A thenin Mau, Rua, Vaimim chi sem te, a thenin kalphung thar an ti bawk a, political party dang ten mipui hnena an thil zawrh thin hi kan ram hmasawnna atan leh dinchhuahna atan chuan a beidawnthlak” a ti.
BJP-in mipui hn- ena an zawrh chu development a nih thu sawiin, kum 2023 MLA inthlanah an sorkar a nih chuan Mizoramah Zoram- thar a thleng dawn niin a sawi a. Zoram- tharah chuan kawng tinrenga hmasawnna, infrastructure development te kaltlangin hma an la dawn tih a sawi bawk a ni.