Mi firfiak pahnih, tun hnaia CRPF sipaite beihnaa tel ni ngeia hriatte chu Pathianni khan Srinagar-ah kah hlum an ni.
Kashmir Zone police chuan, “Pakistani firfiak pahnih, tun hnaia CRPF mite beitute chu Srinagar-a inbeihna thlengah thah an ni a. An kut a\ang hian ralthuam leh hmanraw dang bakah pawikhawihna thil dangte pawh man a ni,” tiin Twitter-ah an tar lang.
Vijay Kumar, IGP, Kashmir chuan heng mi firfiakte hian April 4 khan CRPF an bei tih news agency ANI a hrilh a. “Pakistan a\anga lo kal, Lashkar-e-Taiba (LeT) mite an ni a, an pahnihin kah hlum an ni a. Kan mite hi mi firfiakten an bei nasa a, helho chetna a tlem zel a, nakin lawkah chuan kan tirem thei ang,” a ti bawk.
Inrinni khan LeT commander, civil mite leh venhim hna thawktute beihnaa inhnamhnawih tam tak chu Anantnag district, Jammu & Kashmir-a inbeihnaah thah a lo ni tawh bawk.
Nisar Ahmad Dar hi LeT-a an commander lawk ber pakhat niin police chuan an sawi.
Venhim hna thawktu hrang hrangten \angruala an thudawn bawkzuia Sirhama vel an dapnaah kah hlum a nih thu J&K police thupuangtu chuan a sawi.
“An awmna lai hmun nia hriat an pan lai mekin mi firfiak lo tawmte hian an lo kap a, chhan let niin inkah tawnna a thleng zui a. Silai puak a reh hnuah kah hlum an ni tih hmuh a ni a, a ruang pawh a hmun a\anga lak chhuah a ni,” a ti.
Kashmir police hian January a\ang khan Jammu & Kashmir-ah mi firfiak 45 thah an ni tawh tih Inrinni khan ANI an hrilh.