Borussia Dortmund in Bundesliga inkhelah goal ruk an khung a. VfL Wolfsburg 6-1 in Inrinni zan khan an sawp.
Westfalenstadion a inkhelah hian Dortmund striker Erling Haaland chuan goal khung lova hun engemaw chen a awm hnuah a khung leh a. Rawlthar Tom Rothe pawhin league inkhel a vawikhat khelhnaah goal a khung nghal.
Bundesliga a pahnihna a awm Marco Rose-a pawlte hian minute 24-naah goal hmasa ber an khung a. Kum 17 mi Rothe-a’n corner atangin goal a tauh lut.
Goal chhuah hmasa zawka tang deuh Dortmund in minute hnih hnu lekah Axel Witsel hmangin an khung belh a. Manuel Akanji chuan an goal thumna minute 28-naah a khung leh bawk.
Minute 35-naah Emre Can-a’n an goal li na a khung hnuah match li chhung goal khung tawh lo Erling Haaland-a’n an goal nga na a khung a. Second half-ah Haaland bawkin an goal hnuhnung ber a khung a. Wolfsburg tan Ridle Baku chuan goal khat a khung.
Dortmund hian hnehna an chan avangin point rukin an chung a awm Bayern Munich an pha lova. Nizana Arminia Bielefeld an hneh chuan Bayern in point kua in hma an hruai leh thovang.
Inkhel dangah 3-0 a chak SC Freiburg tan Roland Sallai chuan goal hnih a khung.