Mapuia Memorial Mizoram Cricket League-ah Ramhlun Venglai Cricket Club leh Kulikawn Cricket Club ten table chung lam an pan a. Inrinni ah an khingpuite ve ve an hneh.
Suaka Cricket Ground a inkhel hmasa zawkah RVL in Luangmual CC chu run 19 in an hneh. Vawm thlang zawk Luangmual lakah hian RVL tan Lalhmachhuana chuan run 51 a siam a, run 118 an siam theih phah.
RVL bowler zingah Lalrinfela Zadeng leh Remruatdika Ralte ten wicket thum leh wicket hnih an la a, Luangmual in over 20 chhungin run 99 bak an siam thei lo.
Inkhel hnuhnungah Kulikawn in run 67 in Bawngkawn South CC an hneh a. An captain C. Lalrinsanga chuan ball 44 atangin run 50 a siam.
Kulikawn leh RVL te hian point 4 ve ve an hmu a, khel tlem RVL aiin Kulikawn hi an Net Run Rate a sang zawk.