Aizawl : Aizawl East II bialtu MLA, Tourism minister ni bawk Robert Romawia Royte-in Inrinni khan Chite Venga Convention Centre sakna tur a tlawh a. Assistance to Central PSU for Tourism infrastructure development scheme ata- nga Convention Centre sak tur chu Central PSU WAPCOS mawhphurhnaa dah a nih thu a sawi.
WAPCOS hnenah hian Ministry of Tou- rism-in 1st instalment Rs nuai 1500 chuang a release tawh a, WAPCOS pawhin E-tender in contractor atan MP Khaitan Company, New Delhi an thlang tawh niin sorkar thuchhuahin a tarlang a. He project atan hian tax nen Rs nuai 4000 chu- ang sen tura ruahman a nih thu tarlan a ni.
WAPCOS Engine- er te sawi danin hna tan mai an tum a. Union Tourism & DoNER Minister leh Mizoram Chief Minister-in reilo teah a lungphum an phum dawn.
Robert Romawia chuan Central assistance to states for capital expenditure (CAS- CE) hnuaia Chite Veng chung kawng Rs nuai 50 a hnathawhna tur pawh khawtlang hruaitute nen an tlawh a. Chite Inpui-ah khawtlang hruaitute leh tlaw- mngai pawl hruaitute nen inkawmin, Chite Venga tlawmngai pawl te mamawh leh hma- chhawpah tan a lakpui tur thu a sawi a. Chite Primary leh Middle school-ah room-a leng lo zirlai an awm nia sawiin, room cheithatna tur sum a ngaihtuahpui tur thu leh Chite field-a phullem phahna tur Aizawl Smart City-in an tender tawh thu a sawi bawk.