Manchester United tan Cristiano Ronaldo chuan Premier League match thum atanga a vawi hnih nan hattrick a siam a. A team chakpuitu niin Norwich City 3-2 in an hneh.
Season thar a UEFA Champions League khelpha tura intlansiaknaah United in midangte dinhmun tha a an hlan vek hnuah beiseina thar an nei leh a. An elpui Tottenham Hotspur leh Arsenal te Inrinni zanah an tlawm ve ve.
Old Trafford-ah kum 37 mi Ronaldo-a’n first half-ah goal hnih a khung a. Hei hi halftime dawn a Kieran Dowell goal leh second half a Teemu Pukki goal hmangin Dean Smith-a pawlten an chhanglet a. Ronaldo-a’n freekick atangin an chakna goal a khung.
Inkhel hmasa ah Tottenham Hotspur Stadium-ah Brighton tan Leandro Trossard chuan inkhel a goal awmchhun a khung a. 1-0 in Seagulls an chak.
St. Mary’s Stadium-ah Arsenal chu 1-0 in Southampton lakah an tlawm a. A zawna vawi thum an tlawmna a ni.
United leh Tottenham ten khelh inzatah point 57 leh 54 an hmu mek a. Arsenal in 54 hmu ve thovin parukna an luah a, an chung amite aiin khelh khatin an khel tlem.