Nimin khan Sialsuk, Chhingchhip, Lawngtlai, Kaw- npui, Lungsen, Sihphir, Kawrthah leh Hnahlan-ah te Hrise- lna Kutpui (Health Mela) buatsaih a ni a. Health Mela hi Health minister R. Lalthang- liana’n Aibawk RD block-a Sialsuk khua- ah a hmanpui.
Health Minister chuan Mizorama che- ngte chu tun aia hrisel- na uluk zawka inchik mamawh an nih thu sawiin, “Natna kan neih kher nghak lova kan hriselna dinhmun kan ngaihven reng a pawimawh” a ti.
R Lalthangliana chuan “Kan hrisel tha emaw kan tih lai pawhin hunbi neia inentir ching ila, nat hrep tawh hnua damdawi in pan ngai thin hi engemawchen chu kan pumpelh thei ang” a ti a. Mi zawng zawngin hei hi ngai pawimawh se a duh thu a sawi bawk.
Sorkar laipuia he- alth and family welfare ministry-in a ruahman angin India ra- mchhunga state tinah India zalen kum 75 tlin lawmna -Azadika Amrit Mahotsav- hnuaiah April ni 18-29 chhungin India ram puma RD block tinah Hriselna Kutpui (He- alth Mela) hi buatsaih a ni ang.
Ruahman lawk ang chuan Hriselna Kutpui hi vawiinah Chh- uarlung-ah buatsaih a ni ang a. Ni 20-ah Vairengte-ah buatsaih lehin, ni 21-ah Chaw- ngte leh Khawbung-ah buatsaih a ni ang.
April ni 22-ah Bungtlang S’, Tuipang leh South Vanlaiphai-ah buatsaih a ni ang a, ni 25-ah East Lungdar-ah buatsaih a ni ang a. Ni 26-ah Sangau, Buarpui, We- st Phaileng leh Kawl- kulh-ah buatsaih leh- in, ni 27-ah Phuai- buangah, ni 29-ah Haulawng, Saitual, Kanghmun leh Ngo- pa-ah te buatsaih leh tum a ni.
Tarlan tawh angin, Health Mela, Mizorama buatsaihah hian damlo inentir zawng zawngte damdawi in-a an health record te dahthatna tur Health ID (ABHAID) siam- sak an ni ang a, Heal- thcare hnuaia health insurance card (Ayus- hman Bharat PM-JAY Card) siamsak an ni bawk ang.
Non-Communicable diseases (NCD) screening (zunthlum, BP sang, ka chhung, hnute leh chhul cancer) test a ni ang a. Specialist doctor – Medicine, Surgery, ENT, Eye, Dental, Obs & Gynae, Paediatrics) ten a thlawnin damlo an ena, a tul anga investigation ti- in, a thlawna dam- dawi sem a ni a. Tak- sa hriselna atana pawimawh hrang hrang te zirtirna hun hman a nih bakah taksa sawizawi/exercise/yoga emaw tih nan hun hman a nih bakah natna leh hrileng hrang hrangte tihkian nana National health program hrang hrang (Nu leh naute hriselnate, indanna chung- changte, HIV/AIDS te, Zuk leh hmuam leh ruihhlo tihrehna turte, Cancer program te, Leprosy, TB, Mal- aria leh Vun natna, Mit (Eye) leh a dang te) inhrilhhriatna tur IEC sem a ni dawn bawk.