Tun season-ah Chelsea in a tum hnihna atan Liverpool nen Wembley-ah football an khel leh dawn a. Crystal Palace lakah 2-0 a hnehna changin FA Cup semi-final ah an chak.
February thla khan Liverpool nen hian Carabao Cup final an lo khel tawh a. Hemi tum hian Liverpool hi penalty shootout-ah a lawm haw zawkah an tang.
Chelsea in phuba lakna hun an nei dawn a. Palace lakah hian chungnung taka inlanin Ruben Loftus-Cheek leh Mason Mount ten goal an khung.
Liverpool leh Manchester City te inkhel ang lo takin semi-final hnuhnung zawka inkhelah goal hlauhawm a tam lova. Minute 65-naah inhliam Mateo Kovacic thlaktu substitute Loftus-Cheek-a’n goal a khung.
Palace in an chance neih ve angte chu Chelsea goalkeeper Edouard Mendy chuan a dansak thei zel a. Minute 14 a la awmin Mount-a’n an hnehn a tichiang.
Chelsea hian a zawna season thum nan FA Cup final an khel dawn a, a hmasa pahnihah Arsenal leh Chelsea lakah an tlawm a, tun tumah hian a vawi thumnaah chet dik an tum dawn.
Chelsea boss Thomas Tuchel chuan, “Inelna hrang pathumah match thum khel zo chiah kan nih avangin a awlsam huh lova, taksa lamah phei chuan chona lian tak a ni. Europe-ah khelmual chhunga hun hmang hnem team hi keini tluk an awm kher lo mai thei.” a ti a.
“Final a Liverpool nen champion kan inchuh leh tur hi a lawmawm ka ti a, inelna lian tak a nih avangin ka phur tawh hle. Kan inpeih ang.” a ti bawk.