Aizawl : Health & Family Welfare (H&- FW) board vice chairman, Champhai North bialtu MLA ZR Thiamsanga’n Mizoram sorkarin Health sub-centre awmlohna thin- gtlang khuaahte clinic hawn a tum thu a sawi.
Hnahlan PHC-a Hriselna Kutpui nimina neihah he thu hi H&FW board vice chairman chuan a sawi a. Mizoram sorkarin Health sub-centre awm lohna thingtlang khaw 200 chuangah hmalak tuma ruahmanna siam mek a nih thu a sawi.
Indian medical association (IMA) paw- hin Hnahlanah dree clinic neih an tum thu ZR Thiamsanga chuan sawiin, hrileng vanga tumhnih ngawt thulh a nih tawh thu leh fur ruahtui tlak hma ngeia health clinic liantham tak neih hman ngei tuma ruahmanna siam a nih thu a sawi bawk.
Champhai North bialtu MLA chuan Rs. vaibelchhe 21.38 senga Champhaia sak tur khum 50 awm theihna Critical Care Centre pawh sorkarin a pawmpui tawh thu pawh sawiin, khum 50 awm theihna Ayush Hospital sak tuma ruahmanna siam a nih thu a sawi bawk a ni.