Nimin tuk khan India hmarchhaka state pahnih, Arunachal Pradesh leh Manipur chu lirnghingin a sawi.
National Centre for Seismology (NCS)-in a chhinchhiah dan chuan a nghing hmasa zawk hi Richter scale-a magnitude 3.1 a ni a, Arunachal Pradesh-a Pangin-ah zing dar 1:02-a thleng a ni.
He lirnghing hi Pangin hmarthlang lam km 95 vela hla atanga intan niin lei hnuai km 17 vela thuk atanga intan niin NCS chuan a sawi.
A hnu lawkah Manipur-a Ukrul district-ah a nghing leh bawk a. Hei hi Arunachal Pradesh sawitu aiin a na hret a, Richter scale-a magnitude 3.6-a na niin NCS hian a chhinchhiah.
NCS chuan Manipur-a nghing hi Shirui hmarthlang lam km 20 vela hla, lei hnuai km 30 vel atanga intan a ni a. Zing dar 1:22-ah a nghing a ni.
Hmarchhak state pahniha lirnghing thlengah hian thi leh hliam leh thil tihchhiat a neih erawh hriat a ni lo.