Bollywood star Abhishek Bachchan leh Aishwarya Rai te chuan an inneih champhaphak kum 15-na hmangin, thu-tiam thar an nei nawn leh a, Abhishek chuan a nupui chu amah leh an chhung-kaw tan malsawmna a ni, a ti.
TV host lar Opra Winfrey-in, ‘Khawvela hmeichhe mawi leh nalh ber’ a neih chungchangah a ngaihdan a zawhnaah Abhishek chuan ngaihtuah buai lovin, “Ka chhingmit hi a lungawi hliah hliah mai,” tiin a chhang. A bula thu Ash-i pawh a lawm .
Sawi chhunzawmin, “A mawi em em a, chu chu a tha a ni. A zing tho hmel pawh hi heti reng tho a ni.. Zing karah pawh a nalh reng,” a tih hnu ah Ash chuan, “Hei hi a nia pasal atana ka neih chhan chu.. engkim mai hi funny deuh hian a siam thei tlat zel,” tiin a pasal a fak. April 20, 2007 khan inneiin, tunah hian fanu pakhat an nei.