India Meteorological Department (IMD) chuan nimin atanga Pathianni thleng hian hmarchhaka state thenkhat – Arunachal Pradesh, Assam, Meghalaya leh Sikkim-ah chuan ruah thahnem tak a sur dawn niin a sawi.
IMD hian Andaman Nicobar Islands, West Bengal, Andhra Pradesh vaukam, Yanam, Rayalaseema, Karnataka chhim lam leh vaukam, Kerala leh Maharashtra-ah pawh hetih chhung hian ruah a sur dawn bawk niin a sawi.
Ruah, tek leh darkar khata km 40-50 vela chak thliin Andaman & Nicobar Islands nuaiin tek leh darkar khata km 30-40 vela chak thliin Assam leh Meghalaya a nuai dawn bawk niin a sawi.
IMD hian Sikkim, Arunachal Pradesh, Nagaland, Manipur, Mizoram leh Tripura-ah thli na vak lo leh tek a thawk dawn niin a sawi.
India khawchhak lam vaukam, Odisha leh West Bengal vel hi karleh lamah hian Cyclone Yaas-in a nuai dawn nia sawi lawk a ni bawk a. He cyclone hi a nat dan tur hriat theih a la ni lo.