Spanish Formula 1 driver Carlos Sainz Junior chuan kum 2024 thleng Ferrari car khalh turin contract a ziak.
Kum 27 mi Sainz hian kum 2021 khan Ferrari hi a zawm a, an car a khalh danah Italian team chu an lungawi hle a. A tlan chak bakah point a hmu pha zingah a tel fova, tin a teammate Charles Leclerc nen an thawhdunna a that avangin chelh zel an duh.
A contract thar ziah avang hian a teammate Leclerc nen hian contract an neih rei zawng a inang tihna a ni a, Monagasque driver Leclerc hian kum 2019 khan kum nga contract a lo ziak tawh.
Tun season zawh a contract zo tur Sainz chuan, “Ka chunga rinna an nghah tharna a ni a, hei vang hian ka phur thar a, contract thar hian nasa zawka bei turin phurna lian tak min pe.” a ti a. Tun season a che tha Ferrari tan Sainz hian drivers’ standings-ah pathumna a hauh mek.