Aizawl : Aizawl West III bialtu MLA VL Zaithanzama’n a biala zirna in te tlawh- in, nimin khan Nursery Venga zirna in pathum – Govt. Middle school, Govt. Model English school leh CLS Academy te a tlawh a, an mamawh leh harsatna neihte enpuiin, theih- tawpa hmalakpui a tu- m thu a hrilh hlawm.
VL Zaithanzama chuan “Zirna hi hmasawnna thlentu bulpui, ram hnuk a nih avangin a hniam ber atanga a sang ber thlengin kan hlamchhiah thei lo” a ti a. zirlaite chu nakina ram kaihruaitu tur an nih avangin thiamna leh hlawhtlinna tak tak pawchhuak thei khawp zirna pe thei zirna in neih a tul thu a sawi.
CLS Academy pri- ncipal Dumpy Singh chu zirna in ṭha tak a din vanga fakin, Mizo ṭhalai sipai officer ṭha tak tak leh hna sang tak tak thawk thei a chherchhuak hnem tawh a, hlawhtling tura mi a chher dan entawntlak a tih thu a sawi bawk.