Central YMA leh Cricket Association of Mizoram tangkawp in a buatsaih Mizoram a cricket inelna lian 11th Inter Branch YMA Cricket Tournament chu April 21, Ningani zan dar 8 khan Central YMA Hall, Tuikhuahtlangah vuakhawnna hun an hmang.
Branch hrang hrang 45 telna tur cricket inelna hi CYMA president Pu R. Lalngheta’n vuak hawnna hun hi a hmang a. Hemi zan hian CYMA assistant secretary Professor Malsawmliana chuan inkhel tur fixture a tlangzarh ve bawk.
CYMA president chuan, “Mizo thalaite tan cricket hi eizawnna tling chauh ni lovin hausak theihna a ni a, kan thalaite hian nasa zawkin han tuipui ila, sang tak kan thlen theih bakah tuman ruihtheih thil leh khawtlang duh lohte hi kan buaipui peih lovang.” tiin thu a sawi.
Inelna hi April 26 atangin khelmual pathumah – Durtlang Playground, 3rd BN MAP Ground, Mualpui leh Ramhlun Sports Complex-ah te khelh tan a ni ang a. Quarter-final atangin Suaka Cricket Ground, Sihhmuiah an khel ang.
Kum 2003 atanga khelh tan CYMA Inter Branch Cricket Tournament-ah hian champion lai Ramhlun Venglai Branch te leh Chanmari Branch te chu vawi li ve ve champion tawhin champion ngun ber an ni a. Armed Veng, leh Durtlang te vawikhat ve ve an champion tawh bawk.
Team 45 tel tur zinga team nga te hi Aizawl khaw pawn branch an ni a, Champhai Venglai, New Serchhip Bazar, Serchhip Hmar Veng, Meisatla (Siaha) leh Lunglei Lunglawn te an ni.
11th Inter Branch YMA Cricket Tournament khel turte:
- Armed Veng
- Bawngkawn
- Bawngkawn South
- Chaltlang
- Chaltlang Lily
- Champhai Venglai
- Chanmari
- Chawnpui
- Chhinga Veng
- Dawrpui
- Dawrpui Vengthar
- Durtlang
- Durtlang North
- Govt. Complex
- Hlimen
- Hunthar
- Khatla
- Laipuitlang
- Lawipu
- Luangmual
- Lunglei Lunglawn
- Maubawk
- Meisatla, Siaha
- Mission Veng
- Model Veng
- New Serchhip Bazar
- Ramhlun N
- Ramhlun S
- Ramhlun Venglai.
- Ramthar Veng
- Serchhip Hmar Veng
- Sihhmui
- Sihphir
- Thuampui
- Tlangnuam
- Tuikhuahtlang
- Tuikual South
- Tuithiang
- Upper Republic
- Vaivakawn
- Venghnuai
- Zarkawt
- Zemabawk
- Zemabawk East
- Zotlang