Nimin piah khan John Cene-a’n kum 45 a tlin champhaphak a hmang zo chiahin, WWE Superstar hian BTS Fan ruhkawlh a nih thu leh an mahni kaltlanga hringnun zirlai pawimawh tak tak a zirchhuah thu a sawi chuan mi tam tak a barakhaih.
A band duh ber chu BTS an ni a, K-pop boy band te hi hripu len hma daih atang tawh khan atchilhin, ARMY nghe tak a lo ni daih tawh ngeh nghe.
John Cena hian BTS fan a ni satliah lova, ARMY dik takah inchhalin, video pakhat a siamah phei chuan Korean tawng a hmang nghe nghe.
BTS ta pawhin mak an ti a, awih harsa an ti hle. ARMY a ni chiah em, tih thlengin member pakhat chuan a zawt let hial.
Hei hi Cena chuan video kaltlanga chhangi, “Tawng ka thiam that loh vangin BTS te khan nin lo ngaidam ul la, ka chhanna chu hei hi a ni e,” tiin zaizirin a tarlang.
Talk Host Jimmy Fallon nena February 25, 2020-a interview-ah Jimmy hian BTS te’n an hmuh chak thu Cena a hrilh a, tleirawl leh naupang an nih laia WWE an en nasat dan te, John Cena-a entrance theme thlenga an sak chhuah theih dan te a hrilh. Remchang hmasa berah inhmu ngei an tum hlawm a ni.