Aizawl: Chief Minister Zoramthanga’n Clean Aizawl City pawl rorelna sang ber, high Council buatsaihah khuallian niin hun a hmanpui.
Synod Conference Centre-a hun hmanah hian khuallian chuan Clean Aizawl City thil tum chu khawpui tana tangkai tak tur nia a hriat thu a sawi a. India sorkar pawhin fai leh thianghlim kawngah hma a lak nasat thu a sawi a. Mizoram pawh hmun kilkhawr ber thlengin faina kawngah hma kan sawn tawh viau thu a sawi a, hmasawn belh zelna tur chu a la awm thu a sawi a. Chumi atan chuan naupangte hnena zirtirna pek leh an entawn tura nuna zirtir a nihthu a sawi.
Thusawitu dang, Founder President Commissioner Lalkiamlova chuan Clean Aizawl City chu Aizawl khawpui mawi, felfai, thianghlim leh hrisel zawka siam duhna rilru atanga chhuak a nih thu a sawi.
High Council hi K. Liantlinga Ex-MLA, Vice Chairman, Social Rehabilitation Board chuan kaihruaiin Finance Secretary C. Dinthanga kaihhruaiin member-ten Aizawl khawpui fai leh thianghlim taka vawng turin thu an tiam a. Member thi an sun bawk.