A ngaihna a awm lova, dang bet thei lah an awm hek lo. ‘KGF: Chapter 2’ chuan tualchhung leh rampawnah thla a zar hneh hle a, Aamir Khan, ‘Secret Superstar’ leh Salman Khan ‘Bajrangi Bhaijaan’ te khumin Rs Vbc 1000 club-ah a lut thuai dawn.
Filmstar lar Yash-a channa hian tun dinhmunah hniam lam a pan duh thak lova, box office hrang hrangah lawk zawk zawk zelin, duhthusam ramah a cheng ta ni ber.
‘KGF: Chapter 2’ hian cheng vaibelchhe 900 a lalut der tawh a, ni 12 chhung khan 920-ah kai lehin, cheng vaibelchhe 1000 tawngbaw turin cheng vaibelchhe 80 bak a mamawh tawh lo.
He film hi khawvelpuma Indian film sum lalut hnem palinaah awm in, reilote ah cheng vaibelchhe 1000 club-ah pui rem rem takin a lut thuai ang.