MCS officer dah belh an ngen mek laia dah belh loa sawn chhuah zawk a nih avangin vawiin hian MZP Hqrs. Lungleiin DC office kawtah lungawi lohna an lantir dawn.
MZP Hqrs. Lunglei hian Mizoram sorkarin Lunglei district-a MCS officer a siksawi zinga pakhat a kaisan avanga a aiawh dah tura sorkar an ngen a. Mahse, an ngennain awmzia a neih tak loh avang leh April 26, 2022 thleng sorkar an ngaihchan hnuah pawh thu lawmawm hriat tur a awm loh avangin hemi chungchanga an hmalak dan tur te ngaihtuah nimin khan thutkhawm hmanhmawh an ko a, lungawi lohna lan tira hmalak an rel ta a ni.
Vawiin chawhma dar 11 atangin Lunglei DC office kawtah lungawi lohna an lan tir dawn a. He hun hi MZP Lunglei Vice President Albert Lalnunpuia’n a kaihruai dawn a, MZP Lunglei President Lalpeksanga Chenkual bakah SU Leader (Lunglei Govt College leh J Buana College) te’n thu an sawi ang.