Kulikawn Cricket Club in an tum ram an thleng a, Luangmual Cricket Club nen ‘quarter-final’ inkhel tia sawi theihah hnehna an chang a, Mapuia Memorial Mizoram Cricket League semi-final an khel dawn.
Suaka Cricket Ground a inkhelah Kulikawn in run 32 in hnehna an chang a. Vuak hmasak thlang zawk team hian over 20-ah run 154 an siam.
Kulikawn tan Vikash Kumar chuan ball 66 atangin run 90 a siam a. Sahil Reza leh Parvez Ahmed ten run 23 leh 15 in an thlawp.
He target hi Luangmual in an um a, opener H Lalbiakhlua chuan ball 23 atangin run 38 a siam chu khum thei an awm loh avangin over 17.5 chhungin run 122 an siam a, an out zo.
MCL round hnuhnung ber inkhelah hian a chak zawk in palina an hauh chiang dawn a. A tawpah Kulikawn an dingchang ta zawk.
Tournament bul tan tha lo Chhinga Veng Cricket Club in pahnihna hauh turin Ramhlun Venglai chu run 65 in an hneh a. An tan Gaurav Singh chuan ball 41 atangin run 66 a siam a. K. Vanlalruata’n ball 33 atangin run 34 a siam ve bawk.