Aizawl: MGNREGS hnuaia inhlawha thawk chhuakte hming lamna atana National Mobile Monotring Software (NMMS) hman chu a nih dan tur anga hman theih a nih tak loh avangin tun thla inhlawhna kal mek atan hman chhunzawm rih a ni dawn lo a; state sorkarin sorkar laipuiah harsatna tawhte a thlen.
Sorkar laipui ruahman angin April 1, 2022 atang khan MGNREGS hnuaia hnathawkte attandance lak nan NMMS hi hman tan a ni a, hetihlai hian MGNREGS hnathawkte hming lamna chu he mobile application hmang hian dah luh (upload) theih a ni ta thin lo.
MGNREGS buaipuitute hnen atanga thudawn danin NMMS chu sorkar laipuiin hman turin ti mah se hnathawka chhuakte hming lamna dah luh theih a nih chuan si loh avangin a buaipuitute an hah thlawn a; awmzia a awm loh avangin tun thla chhunga inhlawhna kal mekah hi chuan hman chhunzawm tawh rih loh turin thutlukna siam a ni.
Thla thar lama inhlawhna lo kal leh turah engtin nge kalpui zel a nih dawn tih erawh a la hre chiah lo tih MGNREGS buaipuitute chuan sawiin, NMMS hman theih a nih loh dan hi state-in central lamah a ni la la-in a thlen zel a, central lam chhanna erawh hriat a la ni lo tih an sawi bawk.