Jharkhand-a rawlthar kum 19 mi chuan a farnute pahnih, pakhat phei chu kum la tling lo a pawngsual nia puh a nih avangin man a ni tih Ningani khan police-in an sawi.
Police chuan a nuin complaint a thehluh angin Nilaini khan Mahila Police Station, Lohardaga-ah man a ni tih an sawi.
“Complaint a thehluhah hian Nilaini khan a fapain chuan a u a pawngsual niin a tar lang a. An thawm hriaa a nau hmeichhia tho chu a u chhan tumin a tlan a. An pahnih hian chemte nen a lo tihthaih a, a fanute chhan tum a nu ngei pawh khawih a tum a. A hnua an sawi zelnaah a nau hmeichhe naupang pawh hian a hma kum thum kum li vel atangin a nutapa hian a lo pawngsual tawh thin a ni,” tiin Mahila Police Station-a Officer in-charge Joshphina Hembrom chuan chanchinbumite a hrilh.
An thu dawn bawhzuiin police hian a titua an puh hi an man nghal a, judicial custody-ah an thawn a ni.
Pawngsualtu leh a pawngsual nia sawite hi Lohardaga district-a police station awmna bul khuaa awm niin an nu leh pate hi ni tin inhlawhfa an ni a. Hnathawka an chhuah hlanin a nau hmeichhe naupang chu a khawih thin nia sawi a ni.