Aizawl : Lunglei district Congress committee (LDCC)-in “Indo Bangla Border Trade a taka hla- whtling ngei tura Cong- ress sorkar hmalak tawhna MNF sorkarin a chhunzawm hian rah tha chhuah ngei se kan duh” an ti.
Indo Bangla Border Trade atan hian Congress sorkarin kawng thui tak satkuain kum 2016-ah Union minister leh Bangladesh minister te pawhin hetih laia Mizoram sorkar hotute nen an tlawh thu leh kum 2018-ah Union home ministry-a hotute leh Bangladesh sorkar hotu ten lei dawhna turte an enho thu LDCC chuan an sawi a. Kum 2019 kumtirah lei dawhna tur DPR chu central-ah thehluh a ni ta tih an sawi.
LDCC chuan “Thil mak tak chu Congress sorkar hmaa MNF sorkar khan Border trade tana tangkai tur Tlabung Dak in bula Trade facilitation centre sakna tur Central sorkarin a rawn pek chu Indo Myanmar border trade atana pawhpen a tum a, Lunglei leh Tlabung mipui leh NGO hrang hrang ten nasa taka tan an khawh avang chauhin hnuhlet leh niin, Tlabung Dak in bulah Trade facilitation centre chu sak theih a ni ta chauh a ni” an ti.
Zoramthanga kaihhru- ai MNF sorkar chu hmai- phih faina atan ringawta he hmalakna hi hmang lo tur leh tih tak takna nena hma la tura an duh thu LDCC chuan an sawi a. “Kawng thui tak kan sah- kuak tawh sa hi nuamsa taka rawn zawh zel turin Mizoram tan kan chah a ni” tiin, Mizoram leilung hausakna tana tha lo tur thawnchhuak zawnga nga- ihtuahna seng lo tura an duh thu an sawi bawk.