Spanish club Barcelona chuan an stadium Camp Nou chei that a nih chhungin 2023-24 season-ah an khawpui a Olympic Stadium chu an hmang rih dawn.
Kum 1957 a hman tan Camp Nou hi Europe a stadium lian ber niin mipui 99, 354 len theihna a ni a, season thar atangin Spotify Camp Nou tia hming thlak a ni dawn a. Barcelona in sponsorship sum an mamawh.
An stadium chei that an tumna hi hun engemaw chen atang khan an kalpui tawh.
Hetih chunga an hman tur Olympic Stadium hi Lluís Companys Stadium tia hming vuah a ni bawk a. Mipui 55,926 lenna niin 1992 Olympic Games neihna hmunpui ber a ni.
Barcelona hian Camp Nou cheithat hna hi kum 2025-26 season chhunga an zawh hman an beisei a. An ruahman danin stadium chhungah 360-degree screen dah tel an tum.
Barcelona chuan Camp Nou a hnathawhna hi kum khata an tih khawtlai thu an sawi a, a chhan chu Ukraine indona in an sum senso a nghawng dan tur leh season thar sum dinhmun an thlir tel duh vang a nih thu an sawi tel.