Sum neih tam lai taka Bazar-a kan duhzawng kan lei miah miah ang deuhin, khawvela hausa ber Elon Musk chuan company lian tak a lei mai a. Chuti ang deuh chuan awlsam takin, twitter chu a ipte-ah a khung fel hmak bawk.
Ningani khan Elon Musk chuan Twitter-ah, “Lehpekah, cocaine telh leh theih ngei turin Coca-Cola ka lei ang,” a ti.
Lawk… hetia en mai chuan thil tih chi loh, Dan-in a khap bur leh inhnialna nasa tak chawkchhuak thei turah i ngai mai thei. Mahse, Coca-cola hmasa lamah khan cocaine tlem telh a ni thin a, a hnu-ah zawi zawia ti tlemin, a tawpah an telh tawh lo.
A tweet hian mi nuai tam tak a tiphawklek hman viau a, an meng bial laih liah nghal. Twitterati ho an awm hle hle thei lo User pakhat chuan 1894 kuma Coke bottle lem dahchhuakin, 3.5 gram awmna cocaine telh a nih dan a pholang.
US National of Drug Abuse tarlan danin, Cocal-Cola siamchhuaktu JOhn Premberton-a recipe ah khan coca hnah atanga lakchhuah, cocaine kha chiang takin a awm.
Chu bakah, in theih tura duanchhuah a nih lai khan cocaine hi Dan in a khap lova, damdawi angah phei chuan cocaine hi hmanlar hle a ni tawh. Hetih hun lai hian tam vak lem lo hman chu a him hle ah min tam takin an ngai bawk.
I LO HRISEL ZAWK NAN
Khua a lum a, cold/energy drink tlak pawp pawp a manhla viau mai. Mahse, fimkhur tur lian tak a awm. Soft drink lar zual Pepsi, Coke (Coca Cola), Sprite, Fantasy, Lemon, Lemon Soda, adt. te hian chhawl hal tiziaawm hle mah se, hriselna lam ah buaina a thlan viau.
A hmasa berin Battery chhunga thun thin Acid-ah hian value “1” ni pha khawp-a Acid chak a awm a vangin thawmhnaw han dai tir hlek pawhin rei lo te ah thawmhnaw chu a pawp chhe nghal mai a ni.
Soft drink thenkhat Pepsi, Coke (Coca Cola), Cherry Coke, RC Cola te phei hi chu, Battery Acid value nen an in thlau tam lo em em mai a ni. Soft drink hi damdawi anga, thisen a thun luh a ni lova, kâ ah kan hmuam a, kan in thin zawk a ni.
Enamel an tih ha tuamtu, Ha pawnlang hi Hydroxyapatita nen a siam ani a, Enamel hi a sak tha em em a, thil sak deuh deuh pawh hi a Thial sawm rap rap thei mai a ni. Engtiang khawpin lo sak tha mahse, Acid erawh hi zawng a ngam ve miah lo.
Soft drink in tam poh leh Acid chuan hâ chu a ei pan ve zel a, a tawp ah buaina a lo awm nghal mai thin. A hlauhawmna dang leh chu, heng soft drink a tel, Phosphoric Acid leh Carbon Dioxide vang a ni bawk.
Pumpui na nei tan phei chuan in tam loh a tha hle a, ruh na nei tan pawh insum theih hram tluktu a awm love.