Italy-ah AC Milan in hma an hruai chhunzawm zel

AC Milan forward Rafael Leao chuan huntawp dawn lama an khingpui goalkeeper chetsual chu remchangah a la a, inkhel a goal awmchhun khungin Fiorentina 1-0 in an hneh.
San Siro-ah hian minute 8 a la awmin Leao chuan Fiorentina goalkeeper Pietro Terracciano ball pass sual chu a la a, goal-ah tlanpuiin Milan tan goal a khung a. Rossoneri hian kum 10 chuang an champion tawh loh hnuah an league title hmasa ber umin ke an pen zel.
Milan in first half-ah hlauhawm an siam tam lova, second half-ah Leao leh Theo Hernandez ten goal an khung teuh a, a bak erawh an hlauhawm a tluan tling lo thin.
AC Milan manager Stefano Pioli chuan, “Team tha, kan tana inkhel ti awlsam lo lakah hnehna kan sual chhuak a, kawng dik zawhin ke kan pen.”
“Hun tawp dawn lama chak kan nei leh thin a, hei hi a chhan chu player khel tam lo zawkte pawhin dah luh an nihin a tawp thlenga team pui tura beih an inpeih vang a ni. Hei hi kan team in harsatna kan neih pawha kan sut tlang zel chhan a ni.” a ti.
Inkhel dangah Inter Milan in an hmelma te an um ve zel a. Udinese lakah 2-1 in an chak.
Inter tan Ivan Perisic leh Lautaro Martinez ten goal an khung a. Second half-ah Ignacio Pussetto chuan Udinese tan goal khungin inkhel tawp dawn thleng Inter an hahdam lo.
Juventus tan veteran defender Leonardo Bonucci chuan goal hnih a khung a. 2-1 in Venezia lakah hnehna an chang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427