Inter Branch YMA Cricket Tournament vawi 11-na quarter-final khelh tan a ni a. A ni hmasa zawkah champion lai Ramhlun Venglai Branch leh Hunthar Branch ten hnehna changin semi-final an inhlangkai.
Suaka Cricket Ground-ah Central YMA leh Cricket Association of Mizoram tangkawp buatsaih inelna hi khelh tan a ni tawh a. RVL in champion lai an nihna lantir in run 94 in Zemabawk Branch an hneh.
Run 94 a chakin an bowler ten tun tournament a che tha Zemabawk Branch an hrek hneh hle.
Inkhel hnuhnung zawkah bowler inelna sang lantir a ni a. Hunthar Branch in run 35 in Luangmual an hneh.
Hunthar Branch tan over 3.1 chhunga wicket 6 la F. Malsawmtluanga a che tha fal a. Tualchhung cricket a bowler tha Moses Ramhlunmawia leh Lalhruaitluanga Vuite ten wicket hnih leh wicket khat an la ve bawk.