India ramah darkar 24 liam ta chhung khan coronavirus kai mi 2,897 hmuh chhuah leh hman niin mi 4,31,10,586-in an kai tawh.
Union health ministry-in a chhinchhiah dan chuan hri kai enkawl lai chu tlahniam leh hretin mi 19,494 an la awm.
Darkar 24 liam ta chhung hian mi 54-in hri leng hi thihpui leh hmanin mi 5,24,157-in an thihpui tawh.
Hri kai hmuh chhuah tawh zawng zawng atanga chhutin enkawl lai hi 0.05% an la ni a, 98.74% erawh enkawl dam an ni tawh.
Darkar 24 liam ta chhung hian hri kai hmuh chhuah thar aia enkawl dam an tam zawk avangin enkawl lai hi mi 143-in an tlahniam.
Darkar 24 liam ta chhunga sample endik zinga 0.61% chuan hri an kai tih hmuh chhuah a ni a, chawlhkar khat liam ta chhunga endik zinga 0.74%-in an kai tih hmuh a ni bawk.
Hri kai hmuh chhuah tawh zinga mi 4,25,66,935 chu enkawl dam leh tawh an ni a, thihpui hi 1.22% an ni ve thung a. Health ministry chuan thi zinga 70% chuang chu a hmaa natna nei lawk leh benvawn nei niin an sawi.
Darkar 24 liam ta chhunga mi 54 thi awm thar leh zinga mi 48 zet chu Kerala-a mi an ni a, Maharashtra-ah pahnih leh Delhi, Himachal Pradesh, Rajasthan leh Uttar Pradesh-ah pakhat theuh an ni.
Invenna pek beihpui thlak kal mek zelah vaccine dose vaibelchhe 190.67 chuang pek a ni tawh tih ministry chuan a tar lang.