Zawlnuam RD block huam chhunga MzSRLM hnuaia Village organization te tanpui nan Self Help Group (SHG) te hnenah Custom Hiring Centre-a hman tur Combined Rice Mill pahnih leh Oil Maker Machine pathum pek a ni.
Sorkar thuchhuahin a tarlan danin, Combined Rice Mill pahnih chu Saikhawthlir leh Suarhliap te hnenah hlan a ni a, Saikhawthlir VO hnuaiah hian SHG 10 awmin, Suarhliap VO hnuaiah SHG 8 an awm.
Saikhawthlir SHG ten kum khatah buh quintal 3000 – 4000 (300,000 kg – 400,000 kg) vel an thar niin sorkar thuchhuah chuan a tarlang a. Suarhliap SHG-in kum khatah buh quintal 2000 (200,000 kg) vel an thar niin a tarlang bawk.
In 200 vel khua Saikhawthlir leh in 120 vel khua Suarhliap-ah Buh deng khawl pakhat ve ve awmin, heihian mipui mamawh a phuhru zo lo niin sorkar thuchhuah chuan a tarlang a. An khawl dawn thar chu Buh bakah Vaimim leh Aieng her nan pawh hman theih tur a nih thu sorkar thuchuhah chuan a tarlang.
Oil maker machine 3 chu Saikhawthlir, Chuhvela leh Bungthuama Village organization te hnenah pakhat theuha pek a ni a. Chhawhchhi leh Antam mu atanga chawhmeh kanna Tel (edible oil) siamna tur a nih thu sorkar thuchuahin a tarlang bawk.