Korean serial lar ‘Crash Landing On You’ stars Son Ye Jin leh Hyun Bin te chuan an fatir hmel an hmu dawn ta a, chanchin lawmawm tak hi nimin khan puanchhuah niin, internet khawvel a nghawrchhuak nghal.
Son Ye chuan instagram-ah an thu thar hi tarlangin, “Vawinah hian ka fimkhurin ka hlim hle. Nunna thar pekin kan awm ta. Mak ka ti a, phurna leh ngaihtuahna hrang hrngin ka nitin mai hian ka taksain an bawh chiai chiai a ni ber.
Ka lawm hle mai. Ka fimkhur luatah midang hriattirna chang ka lo hre lawk lo pek a. Nunna lo thleng hlu tak mai hi venhimna vawnhim kan tum a, nangni pawh hrisel tak in zinga nunna thar lo awm te kha in lo vawnhim ve ngei ka beisei a ni,” a ti.
Korean star lar tak Son Ye Jin leh Hyun Bin te hi 2019 kuma rom-com dram hit, ‘Crash Landing On You’ atang khan hriat an hlawh lehzual a, film an siam lai hian inngaina chhovin January 2021 khan an inhual thu hi official-in an puang.
Kumin March khan sawmbik tlem te hmaah pumkhatah an insiam a ni.