Jaish-e-Mohammad (JeM) firfiak pawla an hruaitu lawk tak, Kaiser Koka leh a thuihhruai chu Thawhtanni khan Pulwama district, Jammu & Kashmir-a venhim hna thawktute nen an inkahnaah thah a ni tih police-in an puang.
Police thuneitu chuan inkahna hi Awantipora-a Wandakpora-a thleng niin venhim hna thawktuten a hmun khara mi an dapnaah a ni.
“Mi firfiak, Kaiser Koka thah a ni a, pakhat zawk hi tunge a ni hriat a ni lo. Silai leh a mu, USA siam rifle (M-4 Carbine) leh pistol pakhat ve ve leh ralthuam dang hmuh a ni,” tiin police thupuangtu chuan Twitter-ah a tar lang.
Kaiser Koka hi firfiaka chetna hrang hrangah inhnamhnawih tawhin thubuai pawh eng emaw zat nei a ni tih a tar lang tel bawk.