Leeds United forward Raphinha inchuhnaah Barcelona an hlawhtling dawn niin a lang a. Premier League club in an dawrna an pawm a, thuphungin inremna an nei tawh.
Brazilian winger hi Chelsea in ngawrh takin an ngaihven a, mahse amah hian Spain lama kal a duh avangin Barcelona in tunhnaiah inbiakna an neihpui a, Yorkshire club nen an inrem.
Barcelona hian a manah Euro maktaduai 71 an pe tura ngaih a ni a, nimahsela vawikhatah an pe tla nghal vek lovang.
Spanish club hian sum lamah harsatna lian tak an neih avangin sum an inpek dan tur duan uluk a ngai dawn a. Raphinha hi an lalut fel a nih chuan an squad a ziaklut turin player an chhuahtir nual a ngaih dawn bakah sum hlawm lian hmuh belh phawt an mamawh.