An thuneihna huam chhungah tun hnaia hnathawk mi tam tak thihna chungchanga zirchianna an kalpui hnuah Myanmar rama hnam sipai hlun tak pawl pakhat chuan an hruaitupa pawimawh tak pakhat chu a nihna atangin an chawlh lailawktir.
Myanmar khawchhak lama hel pawl lian tak, Karen National Union (KNU) hi hun rei tak atanga sorkar do an ni a. Tun hnaia Myanmar sipaiten sorkarna an chelh hnuah pawh hian vawi eng emaw zat an inhmachhawn tawh a ni.
May thla khan sorkar sipai enkawl chanchinbute chuan he hnam sipai hnuaia an peng pakhat, Karen National Defence Organisation (KNDO) chu May 31-a hnathawktu mi 25 thattuah a puh a. An puhna hi KNU chuan chhui chian a nih tur thu a puang ve nghal.
An chhui chian dawn avang hian a mawhphurtu bera an hriat hi a nihna atangin chawlhtir rih an ti a ni.