Manchester United a khel Portugal forward Cristiano Ronaldo, 37, chuan Saudi Arabia atangin Euro maktaduai 300 hlawh a season hnih chhung club pakhat tana khel tura sawmna a dawng. (TVI and CNN Portuguesa via AS)
Paris Saint-Germain chuan an Argentina forward Lionel Messi, 35, chu kum khat dang contract ziah belhpui an duh a, kum 2024 thleng an hnenah cham se an duh. (Marca)
Chelsea chuan Napoli atangin defender Koulibaly an lakluh theih dawn tak hnuah Paris St-Germain atangin France defender Presnel Kimpembe, 26, chu lakluh an tum ve leh mek. (The Guardian)
Germany winger Serge Gnabry chu Chelsea nen sawizawm nimahsela kum 27 mi hian Bayern Munich-ah contract thar ziah a hnaih. (Daily Mail)
Everton chu tun nipuiah Spain winger Adama Traore, 26, lakluh an duh a nih chuan Wolverhampton Wanderers in Pound maktaduai 10 vela dilna an pawm ang tih hriattir an ni. (Football Insider)
Wayne Rooney-a club thar DC United chu Major League Soccer leh Premier League club te zinga England midfielder Jesse Lingard, 29, lakluh duhte zingah an tel thar. (Marca)
Barcelona chuan Bayern Munich leh Poland striker Robert Lewandowski, 33, lakluh an tumna chu Euro maktaduai 50 a tihchhoh an inpeih. (Bild)
Leeds United chuan Club Brugge hnen atangin Belgium striker Charles de Ketelaere lakluh an dilna chu chhanna an la hmu lova, kum 21 mi hian AC Milan lama insawn a duh zawk. (Fabrizio Romano)
Real Madrid chuan tun nipuiah inhliam leh chet that tawk loh avanga beisei pha lo kum 31 mi Eden Hazard chu ngaihventu an awm chuan hralh an phal. (Calciomercato)