Paris St-Germain chuan an Brazil forward Neymar, 30, chu Manchester City hnenah kum 27 mi Portugal midfielder Bernardo SIlva nena inthleng turin an zawrh a, mahse Premier League champion lam hian an lo hnawl. (Le Parisien)
Liverpool chuan Manchester United nen a sawizawm ni tawh Ajax a khel kum 22 mi Brazilian forward Antony chu an ngaihven ve mek. (Football Insider)
Chelsea chuan Sevilla in France defender Jules Kounde, 23, man atana Pound maktaduai 51 leh Pound maktaduai 4 pek belh an beisei chu an pawm dawn. (The Sun)
Blues hian Paris St-Germain atangin Pound maktaduai 50 in kum 26 mi France defender Presnel Kimpembe lakluh an la tum a, mahse Stamford Bridge a pan duh ang em hriat a ni lo. (London Evening Standard)
Chelsea hian Barcelona leh Netherlands midfielder Frenkie de Jong, 25, chu Manchester United chuhpui an tum bawk. (Relevo)
Tottenham chuan AS Roma atangin Italy winger Nicolo Zaniolo, 23, chu lakluh an duh a, mahse player an hralh then phawt a ngai. (Calciomercato)
England midfielder Harry Winks, 26, leh Spain winger Bryan Gil, 21, te chu Spurs in first team atanga player pariat chhuak thei a an ngaih zingah an tel. (London Evening Standard)
Arsenal chu Borussia Dortmund defender Manuel Akanji zawrh an ni a, mahse kum 27 mi Switzerland international hian Manchester United zawm a chak zawk. (Express)
Uruguay striker Edinson Cavani, 35, chu Villarreal nen free transfer a insawn turin an inbe mek. (Daily Mail)
French defender Evan Ndicka chu AC Milan in an ngaihven a, mahse Tottenham atang Japhet Tanganga a tlawm zawk an beisei avangin thutlukna an la siam fel lo. (Fabrizio Romano)